"Bizitzak erdigunean" jarri dituzte Asteasun

Aldarrikapen feministez bete da Asteasuko plaza gaur arratsaldean. 18:00ak puntu-puntuan, makina bat herritar gerturatu da herriko mugimendu feministak egindako deialdira, "denon bizitzak erdigunean jartzeko". Irakurketa egin ostean, zenbait bertso kantatu dituzte, Emakume Langilearen Nazioarteko Egunari estuki lotutakoak, eta, jarraian, hari more baten bidez, amarauna morea osatu dute guztien artean.