Goizeko 11:00etan San Pedro elizan meza izango da. Mezaren ostean, 11:40ak aldera, herriko umeen eskutik kirol erakustaldia eskainiko dute plazan. Ondoren, barrikotea: txistorra, sagardoa, ardoa dastatzeko aukera izango da trikitilariak giroa alaitzen duten bitartean. Eta, jarraian, 14:00etan, bazkaria egingo dute Sarasola sagardotegian. 40 euroko menua izango da eta aldez aurretik izena eman beharko da udaletxean. Bazkalostean, Maialen Lujanbio eta Jexux Mari Irazu bertsolariak izango dira trikitilariekin batera.
Bestetik, maiatzaren 19an, "Gutik zura" dokumentalaren emanaldia eskainiko dute, arratsaldeko 19:30ean udaletxeko ikus-entzunezko gelan.
