Asteasuko Udalak, Aiztondo K.E.-k eta Danena K.E.-k antolatzen dute kirol-proba. Goizeko 09:30ean hasita kategoria ezberdinetako lasterketak egingo dira. Izen-ematea doakoa da partaide guztientzat; federatutakoentzat zein herriko haurrentzat.
Izena emateko azken eguna urtarrilaren 10a izango da eta interesa dutenek mezua bidali behar dute danenatxirrindularitza@gmail.com helbide elektronikora.
Elizmendiko belaze eta bideetan barrena prestatzen dute ibilbidea antolatzaileek, mailaren araberako luzera eta zailtasunarekin. Txirrindularitza modalitate honetan zegoen gabeziari aurre egin nahian ekin zioten lasterketa antolatzeari, eta aurtengoa hirugarren edizioa izango da.