Urtean zehar lanketa berezia egiten dute Asteasun, beste herrietatik etorritakoei harrera egin eta elkarlana sustatzeko. Geroz eta herrialde gehiagotako herritarrak daude Asteasun eta, Mundu bat Asteasun ekimenaren bidez, lanketa egiten dute urtean zehar.
Aste honetan zehar Kulturarteko festaren inguruko ekitaldi ezberdinak izan dituzte eta, gaur, festa giroan murgilduta pasako dute eguna. Jaki ezberdinak dastatu eta elkar ezagutzeko aukera izan dute eguerdian eta, mundialitoa jokatuko dute 14:00etan hasita. Arratsaldean, musika eta piñata izango dituzte gozagarri.