Senidetze Eguna larunbatean, Asteasun

Aiurri 2026ko maiatzaren 25a

Aiztondo bailararen eta El Salvadorreko Segundo Montes komunitatearen arteko Senidetze Eguna egingo dute larunbatean, maiatzaren 30ean, Asteasun. Aduna, Zizurkil, Amasa-Villabona eta Asteasu arduratzen dira urtero ekimenaren antolaketaz, txandaka.

Egitaraua 12:00etan hasiko da, udaletxean egingo duten harrera instituzionalarekin. 13:00etan ekitaldia izango da plazan, eta 14:30ean elkartasun bazkaria egingo dute Santamaña elkartean.

Bazkarirako txartelak maiatzaren 28ra arte izango dira salgai. Asteasuko Kultur Etxean, Adunako Txantxanen, Amasa-Villabonako Iratzarren eta Zizurkilgo Egarrin eta Iriarten eros daitezke.

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!