Udalak jakinarazi duenez, aurreko urteetako funtzionamendu bera izango du aurten ere udal igerilekuak. Ez da berrikuntzarik izango. Tabernaren ardura azken urteetako pertsona berak hartuko du, eta instalazioen kudeaketa NEO enpresaren esku egongo da.
Abonuak
Igerilekuko abonuak eskatzeko edo berritzeko epea zabalik dago. Horretarako, eskaera orria bete eta udaletxean aurkeztu behar da; inprimakia udaletxean bertan eta Asteasuko Udalaren webgunean dago eskuragarri. Aurreko urteko txartelak ere eraman beharko dira aktibatzeko.
Adinaren eta aukeratutako modalitatearen arabera, hainbat abonu mota daude aukeran, banakakoak nahiz familiakoak. Horrez gain, eguneko sarrerarekin ere sartu ahal izango da igerilekura.