Haur, gazte zein heldu animatu zen sorgin dantza egitera. Jarraian, antortxak eta bengalak piztuta herritik barrena kalejira egin zuten txalaparta joleak ere lagun zituztela. Berriro plazan elkartuta, talde txikitan banatu eta herriko gazteek antolatutako sustoen bira egin zuten Pello Errotaren eta haren astoak utzitako lastoen arrastoei jarraika. Herriko hainbat txokotatik igaro ziren, bakoitzean txokolateak eta gozokiak jasoz trukean. Talde guztiek sustoen bira osatutakoan, gaztainak eta tortila patata ogitartekoak jan zituzten. Gozozaleenentzako postrea ere ez zen falta. Gau Beltzeko tarta ederra prestatu baitzuten.