Horregatik, badira hor tartean nora jo ez dakitenak, funanbulisten antzera bi aldeak banatzen dituen marraren gainean oreka mantentzen saiatzen direnak, euren jarrerekin alde batera edo bestera joatea baino bide erdian sokaren balantzan egotea nahiago dutenak, baina haizeak beti gogor jotzen du. Bidegabekeria baten aurrean jarrera neutrala erakusten bada zapaltzailearen alde zaudela zioen behin Desmond Tutuk, Apartheid-en aurkako ekintzaileak. Hau entzun eta jarraian jende askoren ahotan dagoen esaldi bat datorkit burura: "Ni ez naiz ez matxista ez feminista, ni berdintasunaren alde nago". Ignorantzia putz egiten dabil, eta ez espresuki noranzko egokian.