Larunbat honetan, apirilak 13, jokatuko dira Aiztondoko XXII. Pilota Topaketako finalak. Otsailean hasi zen topaketa eta 5 mailatan jokatu da aurtengo ekitaldian.
Ligaxkako partidak topaketa antolatzen duten herrietan jokatu dira: Adunan, Amasa-Villabonan, Asteasun, Larraulen, Alkizan eta Zizurkilen. Laurraulen 16:00etan hasiko diren finaletan lehenik aurrebenjaminek jokatuko dute eta jarraian arituko dira benjaminak, alebin neskak palaz, infantil neskak palaz eta alebinak eskuz. Aurtengoan 125 pilotarik parte hartu dute.