Ideia on bat baino gehiago behar da negozio bat sortzeko. Ezinbestekoa da aholkulari on bat.
Ekintzailetza bokazio-kontua da, gero eta gehiago. Baina, hainbat pauso eman beharko dituzu, ekiten hasi aurretik edo aspalditik buruan darabilzun negozio-ideia hori lantzen hasi aurretik. Ez da nahikoa ideia on bat izatea; ideia hori errentagarri bihurtzea da helburua.
Horretarako, oso garrantzitsua da zenbait gaitan aholkatuko zaituen norbait izatea; alegia, hain jantzita ez gauden eta negozioa sortzeko funtsezkoak diren horietan: oinarrizko enpresa-legerian, finantzaketa-kontuetan, kudeaketan, konfiantza emango dizun talde on bat sortzen, dirulaguntzetan… Horiek guztiak beharrezkoak dira zure ideia negozio bihurtzeko prozesuan.