Gipuzkoako Bertsolari Txapelketa 2019

Ane Labaka irabazle, Elgoibarko final-zortzirenean

Argazkia: Bertsozale Elkartea.

Gipuzkoako Bertsolari Txapelketaren seigarren final-zortzirena jokatu zen atzo Elgoibarko Herriko Antzokian; final-laurdenetarako txartela lortu zuen Labakak.

Elgoibarko Herriko Antzokian jokatu zen atzo, igandea, Gipuzkoako Bertsolari Txapelketako azken aurreko final-zortzirena. Atzokoan ere ez zuten hutsik egin bertsozaleek, bezperatik agortuta baitzeuden sarrerak. Oholtza gainean, hurrengo seikotea kantuan:
  • Ane Labaka Mayoz
  • Endika Igartzabal Murua
  • Eñaut Martikorena Lizaso
  • Iñaki Gurrutxaga Zubimendi
  • Jokin Uranga Isuskiza
  • Unai Gaztelumendi Arandia

Ane Labakak lortu zuen puntu gehien, 458,5 puntu. Beraz, azaroaren 2an Azkoitian jokatuko den final-laurdenean kantatuko du. Horrela geratu ziren Elgoibarko puntuazioak:

  • Ane Labaka Mayoz.......................458,5
  • Jokin Uranga Isuskiza..................443,5
  • Eñaut Martikorena Lizaso............437
  • Iñaki Gurrutxaga Zubimendi........430
  • Unai Gaztelumendi Arandia........424,5
  • Endika Igartzabal Murua..............403,5

Aurkezle lanak Ane Ezenarro Beristainek egin zituen eta epaimahaiko kideak hurrengoak izan ziren: Eneritz Azkue Basurko, Karlos Ibarguren Olalde, Leire Beloki Lizarralde, Mikel Lersundi Ayestaran eta Mikel Urteaga Azkue. Idazkari lanetan, berriz, Gorka Segurola Dorronsoro aritu zen.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!