Danok Danena taldeko kideek jakinarazi dutenez, Jon Kepa Kortajarena oso maila onean aritu zen txapelketa bikaina eginez eta Espainiako txapelketan, bigarren postuan geratu zen. "Egindako sei altxaldiak balekoak izan ziren eta bere marka hobetzea ere lortu zuen; beraz ezin gehiago eskatu, zuen guztia eman baitzuen", azaldu dute.
Larunbatean bere gorputz pisua 52 kiloko izan zen eta 55 kilo kategorian parte hartu zuen. Arrankadan 70 kilo altxa zituen eta bi denboratan, berriz, 90 kilo altxatzea lortu zuen. "Zorionak eta horrela jarraitu!!!", animatu dute taldetik.
Neskatan, Aynabel Davila seigarren postuan gelditu zen.