Makilak eskuan eta baserritar jantziak soinean, usadio zaharra berrituko dute gaur eskualdeko herri eta auzoetan. Eguraldia petraldu den arren, udaberriari dei egingo diote makilak astinduz eta koplak abestuz:
Santa Ageda koplak
Zorion, etxe hontako denoi!
Oles egitera gatoz,
aterik ate ohitura zaharra
aurten berritzeko asmoz.
Ez gaude oso aberats diruz,
ezta ere oinetakoz,
baina ezterriz sano gabiltza,
ta kanta nahi degu gogoz.
Santa Ageda bezpera degu
Euskal Herriko eguna,
etxe guztiak kantuz pozteko
aukeratua deguna
Santa maitea gaur hartu degu
gure bideko laguna,
haren laguntzaz bete gentzake
egun hontako jarduna.