ANDOAIN
- Piano Jaialdia izarra izango da asteburuan Andoainen. Euskal Herriko hainbat txokotatik gerturatutako haur eta gaztetxoek estilo ezberdinetako obrak eskainiko dituzte, bakarka, lau-eskutara edo sei-eskutara. Larunbata eta igandean, piano-jotzailez beteko da Bastero Kulturgunea.
Giroa berotzeko, Francisco Escudero kontserbatorioko orkestra sinfonikoak emanaldi berezia eskainiko du gaur, ostirala, 19:15ean hasita. Zabaltzeko, Luis Fraca musikariaren 'Andoain' pieza eskainiko dute. Gonbidapena behar da sartu ahal izateko. - Larunbatean, otsailak 8, Inauteri giroa hasiko dira pizten Andoainen. Goiburuko baserri eta etxeetan barrena Axerien puska biltzea egingo dute; umore ona, musika, dantza eta aspaldiko usadioa, eskutik helduta.
- Kirol eskaintzari dagokionez, Andoaingo Euskalduna elkarteak Donibane eta Behobia arteko ibilaldia antolatu du iganderako.
AMASA-VILLABONA
- Musika izango da gaur gauean -otsailak 7- protagonista Villabonan ere. Sahrijai kultur taldeak Aljibe gauak abiarazi ditu berriz ere, eta gaur, Xabi Solano eta Zigor DZ arituko dira. 22:30ean hasita, Aljibean. Sarrera: 5 euro.
- Kirola egiteko aukera ere izango da, noski. Pilota goxua modalitateko partidak izango dira ikusgai larunbatean Villabonako Bearzana pilotalekuan. Laboral Kutxa Emakume Master Cup: Eskuz binaka 2020 txapelketako aurrekanporaketak izango dira, pilota goxuarekin.
Guztira lau partida jokatuko dira: 1.- Adriana Salat - Miriam Ballesta // Nerea Sagarna - Haizea Marijuan. 2.- Maialen Magunagoitia - Ione Mateo // Arantxa Arratibel - Aisha Etxeberria. 3.- Amaia Zarrabeitia - Izarne Oiarzabal // Aizane Ibarrola - Eider Zubizarreta. 4.- Aiora Armendariz - Haizea Salanueva // Nagore - Leire Galeano.
Giroa berotzeko, 'Las pelotaris' film laburra eskainiko da ostiralean -otsailak 7- Gurea antzokian, 19:00etan hasita. Ondoren, solasaldia izango da Anne Maiza eta Miriam Arrillaga pilotariekin. - Villabonako Aizkardi mendi taldeak irteera antolatu du igandean, Arantzara. Ekaitza eta Mendaur tontorrak zapaldu ondoren, Arantzara itzuliko dira mendizaleak. Abiatzeko, 07:00etan elkartuko dira Olaederra kiroldegian.
- Gurea antzokian, bestalde, '1917' filma izango da ikusgai asteburu honetan eta haurrei zuzendtudako eskaintzari dagokionez, 'Operacion Panda' izango dute gozagarri. Andoainen, ez da zinerik izango, Piano jaialdia dela eta.
ZIZURKIL
- Zizurkilen, larunbata izango da 'Ama hizkuntzaren kantuak eta kontuak' erakusketa bisitatzeko azken eguna. Herriko haurrek etxetik jasotako kantu, esaera zahar, jolas, errezeta eta beste hainbat kontu ikus daitezke bertan.