Adunan, 09:15ean abiatuko da autobusa, autobus-geltokitik, eta 12:30ean izango da itzulerakoa, Donostiako autobus-geltokitik. Izena emateko, 943 692 571 telefono zenbakira deitu edo Udal bulegoetara gerturatu behar da, otsailaren 26a baino lehen. Astelehenetik ostiralera, 15:00ak arte egoten dira zabalik Udal bulegoak.
Asteasun, 09:00etan aterako da autobus-geltokitik. Mattin liburu-dendan eman behar da izena, otsailaren 21a arte. Zerbitzua doakoa da, baina aurretik izena ematea ezinbestekoa da.
Zizurkilgo emakumeek ere zerbitzu bera izango dute. 09:10ean aterako da autobusa Kaixo tabernaren ondotik. Itzulerako autobusa, berriz, 12:30ean abiatuko da Donostiako autobus-geltokitik. Izena emateko, Udal bulegoetara gerturatu edo 943 691 012 telefono zenbakira deitu beharko da, otsailaren 21era bitarte.