Hernaniko Iparragirre sagardotegiak bere sagardo berria probatzeko dastatze gidatua antolatu zuen otsailaren 21ean. Etxeko lagun eta ezagunak hurbildu ziren zitara, eta lehenik, sagardoa nola egiten duten azaldu zieten, horretarako erabiltzen duten makinaria erakutsiz. Ondoren, sagardoa dastatzeko txanda iritsi zen. Lau kupel ezberdinetatik probatu zuten gonbidatuek sagardoa eta amaieran 2018ko uztako botilako sagardoa dastatu zuten.