2020ko Martxoak 8

Zubiak erakiz, Emakumearen Nazioarteko Egunean

Apaingarri moreak soinean, eskualdeko emakume ugarik egin du bat Aiztondoko emakume feministek eginiko deiarekin. Villabona eta Zizurkilgo Zubimusu eta oinezkoen zubiaren bueltan bildu dira, eskutik helduta, bira osoa osatuz. Sororitate zubiak eraiki dituzte, arraza eta adin desberdineko emakumeak batuta.

Arratsaldean jarraitu egingo du festak. 17:00etan mosaikoa egingo dute Villabonako Errebote plazan. Ondoren antzezlan laburra eta merienda-musikatua, Dudik Pe musika taldeak girotuta.

Ondorengoa, 'Zubiak eraikiz' ekimenaren baitan irakurri duten adierazpena:

Denok dakigun bezala, patriarkatuaren nahia emakumeok* banatzea, baztertzea, elkarren artean hasarreraztea izan da. Gure artean inbidia, gorrotoa eta ezin ikusia egon dadila.

Horrela, bakarka eta ahul menperatzen, erabiltzen eta erasotzen gaituzte errazago.

Baina jakin badakigu, ikusten eta sentitzen dugulako, emakumeok* batuta soilik berreskuratzen ditugula geure indarrak.

Ondokoa ez da lehiakidea, baizik eta adiskidea.

Gaur, emakumeon* giza kate honetan elkarren arteko zubiak luzatzen ditugu.

Ez du axola koloreak, hizkuntzak, identitate sexualak, ezta kulturak ere. Emakumeak* garela axola zaigu.

Eta hori da batzen gaituena.

Emakumeok*, gaur martxoaren 8an gurekin ez dauden eta bakarrik sentitzen diren emakumeekiko* enpatia eta ulerkortasun zubiak osatzen ditugu.

Gaur beldurra duten emakumeoi*, berdintasun ezean bizi garenoi, indarkeria pairatzen ari garen emakumeoi*, guztiongatik eta guztiontzat batzen gaituzte zubiek.

Laguntasun zubiak, ulerkortasun zubiak, komunikazio zubiak, laguntza zubiak, pozaren zubiak, batzen gaituzten zubiak...

Gaur mundu guztiko arraza eta adin desberdinetako emakumeok* batzen gara sororitate zubiak sortuz.

GORA BORROKA FEMINISTA!

Erlazionatuak

Zubiak eraikiz, Emakume Langilearen Nazioarteko Egunean

Eskualdea

Villabona eta Zizurkilgo zubien artean giza-katea osatu zuten Aiztondoko emakumeek. Apaingarri moreak soinean eta eskutik helduta, emakume ugarik e...
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!