Ezaugarri eta berrikuntza hauek izango ditu:
- Astebetez luzatuko dute: martxoaren 30etik, astelehena, apirilaren 5era, igandea.
- Egunero partida bat, betiko dinamikak berdin-berdin jarraituko du.
- Txapelketa egunerokoa izango da, ez astebetekoa. Hau da, sailkapena egunero berrituko da.
- Asteartetik aurrera zuzeneko partida bat jokatuko dute 19:00etan, bertara sailkatu diren 150 lagunekin.
- Nor sailkatuko da zuzeneko horretara? Bezperako 50 onenak eta zozketa bidez egokitutako 100 pertsona (bezperan jokatu dutenen artean zozketatuko ditugu 100 plaza hauek).
- Jakinarazpena bidaliko diegu zuzenekora sailkatu direnei goizean bertan eta Egunean Behinen lehen pantailan ikusiko dute zuzenekora sartzeko botoia.
- Zuzenekora behin sailkatz gero, ezingo da berriz sailkatu: ahalik eta jende gehienari eman nahi diete aukera zuzenekoan aritzeko.
- Zuzenekoa Youtube bidez jarraitu ahal izango da, Egunean Behin kanalean.
- Hiru Damatxoko lagunek hartuko dute parte ekimenean, haiek arduratuko dira emanaldiaz.
- Aurkezle lanetan nor ibiliko den erabakita dago, baina egunera arte ez da jakinaraziko.
- Erabiltzaile guztiei jakinarazpena bidaliko zaie finala baino minutu batzuk lehenago, Youtubera sar zaitezen.