Asteartean eta asteazkenean euskal kulturgintzak burutuko duen Greba Digitalaren deialdiarekin bat egingo dute Buruntzaldeako gazte sortzaileek. Sortzaileek adierazi dutenez, "euskal kulturaren sektore prekarizatuari, berrogeialdiak are eta kolpatuago utzi duen horri, gazte izate soilaren problematika erantsi behar diogu. Horregatik, Buruntzaldeko gazte sortzaileak martxan jartzea erabaki dugu.".
Apirilaren 21 eta 22an greba deialdira atxikitzeko gonbidapena luzatu zaie gazte sortzaile eta kultura arloko kideei. Horrez gain, mosaiko bat egiteko gonbita ere zabaldu dute, horretarako hiru traola biltzen dituen kartel bat egitea eskatzen da; #kulturgintzan, #GrebaDigitala eta #GazteSortzaileakGreban traolekin.
Oharra: Argazkiak 634 909 448 bidali.