Hirugarren eta azken jardunaldia jokatu zen Galarretan. Ez zen aldaketarik egon sailkapenean, beraz, Juanenea eta Endika lehen finalistak bilakatu dira, eta Goikoetxea V-Barrenetxea IV bikotea txapelketatik kanpo geratu da. Ansa II eta Larrañaga finalerdietara igaro dira bigarren sailkatu gisa; Urriza eta Zubiri ere hirugarren sailkatu gisa finalerdietara pasa dira, non, uztailaren 11an jokatuko den.
Urriza-Zubiri eta Ansa II-Larrañagak partiduko helburuak ondo bete zituzten, eta biak finalerdietara igaro dira. Lau pilotariek partida berdindua, zirraragarria eta maila handikoa jokatu zuten. Bikote urdinak irabazi zuen, 32-35.
Goikoetxeak eta Barrenetxeak bigarren partida kanporatuta hasi zuten, lehen partiduko bikoteak finalerdietara igarotzea lortu baitzuten. Hala eta guztiz ere, maila handia erakutsi zuten eta gutxiengoagatik irabazi zuten, 35-34. Goikoetxeak txapelketako partidarik hoberena jokatu zuen.
Sailkapena
1. Juanena-Endika 10 puntu
2. Ansa II-Larrañaga 9 puntu
3. Urriza-Zubiri 6 puntu
4. Goikoetxea V-Barrenetxea IV 5 puntu
Emaitzak
1. Urriza-Zubiri 32 Ansa II-Larrañaga 35
2. Goikoetxea V-Barrenetxea IV 35 Juanenea-Endika 34