Covid19 | Datuak egunez egun

Hiru kasu gehiago zenbatu dira eskualdean

Osasun salaren arabera, hiru positibo gehiago zenbatu dira eskualdean; bi Andoainen eta bakarra Urnietan. Andoainen azken astean 15 kutsatu zenbatu dira, datu oso altua beste herriekin alderatuz gero. 

Atzo, 7.023 PCR proba egin ziren, eta, haietatik, 576 positiboak izan ziren. Lurraldeen arabera, 117 kutsatu gehiago zenbatu dira Araban, 372 Bizkaian eta 73 Gipuzkoan; 14 gehiago Euskaditik kanpo bizi diren pertsonetan.

Ospitaleen egoera dela eta, COVIDaren ondorioz 39 pertsona ospitaleratu ziren atzo, eta COVIDa duten 20 pertsona ZIUn daude.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!