Covid19 | Datuak egunez egun

Lau kasu zenbatu dira Andoainen eta bi Amasa-Villabonan

Eskualdean positiboen kopuruak behera egin du; Andoainen lau kasu zenbatu dira eta Amasa-Villabonan bi. Hala ere, EAE mailan positiboek nabarmen egin dute gora.

Atzo, 9.145 proba egin ziren, eta, haietatik, 605 positiboak izan ziren. Lurraldeen arabera, 53 kasu zenbatu dira Araban, 360 Bizkaian eta 165 Gipuzkoan; 27 gehiago Euskaditik kanpo bizi diren pertsonetan.

Ospitaleen egoera dela eta, COVIDaren ondorioz 56 pertsona ospitaleratu ziren atzo, eta COVIDa duten 47 pertsona ZIUn daude.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!