Maite Peña Gizarte Politikako foru diputatuak jakinarazi duenez, “urriaren 9tik 16ra bitartean, Aldundiko eta DYAko profesionalek osatutako taldeek 1.500 PCR proba baino gehiago egingo dituzte udalerri horietako egoitza-zentroetako erabiltzaileen eta langileen artean, birusa zentro horietan sartzea prebenitzeko eta, hala badagokio, detektatu eta hedapena geldiarazteko”.
Gipuzkoako egoitza-sareak 65 zentro eta 5.425 plaza ditu adinekoei arreta emateko, eta “Gipuzkoako Foru Aldundiak lurraldeko zentro guztietan egiten jarraitzen duen prebentzio-lanean, uztailetik hona, Aldundiak eta DYAk 24.000 PCR proba baino gehiago egin dituzte”.