Leire Palacios kultur eragilea eta PuntuEUS-eko arduraduna izango du gidari solasaldiak. Harekin batera, izango dira Rafa Rueda abeslari eta gitarra-jole bizkaitarra eta Maria Rivero sortzaile naiz musikaria. Euren ondoan egongo da Alex Sardui ere, hain zuzen, Gatibu taldearen abeslaria.
Kutxa Kultur Plazan da hitzaldia, 19:00etan. Solasaldiak bertatik bertara jarraitzeko aukera izango da. Aretoaren aforoa mugatua dago eta izena eman beharra dago aurrez euskaraldia.eus/solasguneak orrialdean. Gainera, EiTB.eus-ek solasaldiak streaming bidez eskainiko ditu internetez jarraitu ahal izateko. Eitb.eus atarian eta Euskaraldiaren webgunean egongo dira ikusgai mahai-inguruak.