Eneko Maiz billabonatarrak eta Julen Alberdi zizurkildarrak hartuko dute parte. Lehen jardunaldian (abenduaren 18) Maiz arituko da Behar Zanaren elastikoa jarrita eta Josu Aurrekoetxea lemoarra izango du aurkari. Duela urtebete, Gipuzkoako lau eta erdikoa irabazi zuen, beste garaipen askoren artean.
Alberdik urtarrilaren 22an jokatuko du final laurdena Aurrera Tolosa taldearen izenean. Aitor Etxeberria izango du lehiakide.
Biek pilota maila oso altua erakutsi dute azken urteotan. Datozen asteetan, berriz, Euskal Herriko txapelketa garrantzitsuenetako batean erakutsi beharko dute orain arte landutako guztia.
Lehen jardunaldia: Eneko Maiz (Behar Zana) - Josu Aurrekoetxea (Lemoa)
Bigarren jardunaldia, urtarrilak 8: Iker Espinal (Huarte) - Ibañez (Zaramaga)
Hirugarren jardunaldia, urtarrilak 15: Gaizka Carregal (Adiskide) - Alberto Ongay (Irurtzun)
Final laurdenak, urtarrilak 22: Julen Alberdi (Aurrera Tolosa) - Aitor Etxebarria (Lemoa)
Julen Alberdi zizurkildarra sakea egiteko unean