"Jo ta ke lanean hasi arte"

Aldez aurretik eskerrik beroenak zuen elkartasuna adieraztera gerturatu zareten guztiei. Eskerrik beroenak Zizurkil eta Villabonako ostalarien partetik.

Ia urtebete pandemia egoera honek guztiei jake egoeran jarri gintuztenetik. Ia bost hilabetez etxeratuak eta kaltetuak, ondoren murrizketak eta aforo jaitsierak. Nahikoa ez bada, polizia lana egiteaz gain, jazartuak eta kriminalizatuak besteetan; pandemiaren gestio txarra gure ardurapean utzi nahiean. 

Gaur azken bi itxialdien ondoren, beste hamabi egunez Villabonako ostalariek eremu gorriko itxiera bidegabekoak pairatzen ari gara. 27 positibo nahikoa dira gure lantokiak, gure bizitzak dardarka jartzeko. Ia urtebetez lepoan dugun soka gehiago estutzeko.

Agerraldia ostalaritzan dagoen ala ez alde batera utzita, ostalaritza ixten digute. Brotea industria arloan bada ostalaritza ixten digute, brotea udaletxean bada ostalaritza ixten digute, brotea aforoa kontrolatzea zaila diten komertzio handiago batean  bada ostalaritza ixten digute. Neurri bidegabeak eta onartezinak dira.

Gorbatadun enpresariak blindatzen ari dira, diruz beteriko maletatxodun enpresariak; baina gu buzodun ostalariak gara, lan orduez urratutako buzoak, ilusioz eta lan egiteko gogoz betetako poltsikoekin. Ostalaritza gure bizitza delako, gure bizimodua delako eta dirua baino gehiago, gure negozioek bizitza ematen digutelako, eta ixten bagaituzte bizitza kentzen digutelako.

Hipotekak, errentak, zergak, negozioak neurri berrietara egokitzeko inbertsioak, argiaren azken igoera... Ixten bagaituzte nola egin aurre guzti horri? 

Gure lanpostuak prekarioak izatea besterik ez dute lortu: lanpostuen galtzea, kaleetako isiltasuna... Herriak hutsik geratzen dira eta ondorioz, urteetan sufritzen ari diren saltoki txikiek persianak jaistea lortu dute. Familia askoren miseria, negozioen alde horrenbeste borrokatu duten bizilagunen sufrimendua.

Hondamendia izan da askorentzat Eusko Jaurlaritzaren laguntza txalotuak jaso ez izana. Ostalaritzak %30a lan egitearen ondorioak jasango dituzten sektore denak.

Bat egitea eta kalean indarra egitera behartuak gaude, bai gaur eta egunero; harik eta Eusko Jaurlaritzak eta erakundeek benetako irtenbideak eskaintzen hasten diren arte.

Azkenik dei egin nahi diegu gure merkatariei, gero eta babes handiagoa behar baitugu neurri guzti horien aurka borrokatzeko. Itxiera perimetralak gogor eragiten dien komertzioei, egunero bezeroak galtzen ari direnei. Neurri horiek ez digute ostalariei bakarrik eragiten, enpresa txiki guztiei eragiten diete, autonomoei, gure langileei... Herriari bizitza emateaz gain, lanpostuak sortzen ditugulako.

Gaur inoiz baino gehiago ostalaritza, merkataritza, zerbitzuak eta mundu guztiak bat egin behar dugu denok batera. Borroka da bide bakarra. Elkarlana da bide bakarra.

Ostalaritza aurrera! Jo ta ke lanean hasi arte!