Herriko sarrera eta irteera itxiko dira ostiraletik aurrera Bazkardoko A15eko biribilgunetik

Illarramendiko eremua exekutatu eta urbanizatzeko, A15/159 errepidean biribilgune bat egitea aurreikusten da. Biribilgune hori Ama Kandidaren zuzengunera sartu aurretik kokatuko da, N1 errepidera sartzeko adarraren ondo-ondoan eta Bazkardon A15 errepidearen gainean dagoen biribilgunetik gertu.

Auto eta ibilgailu astunen trafiko-dentsitate handiko lotunea da hau, hain zuen. Hori horrela, Bazkardoko Andoaingo sarrera eta irteera erabat ixtea erabaki da, segurtasun osoa bermatu ahal izateko, bai langileena, bai A15 eta N1 errepideen erabiltzaileen kasuan. Era berean, mozketak, eragina izango du obren beren garapenean ere, nabarmen murriztuko baitira lanon iraupena eta, horren ondorioz, andoaindarrengan duten eragina.

Mozketa otsailaren 5etik 21era egingo da, eta Gipuzkoako Foru Aldundiaren koordinaziopean eta oniritziarekin egin da.

Alternatiba gisa, udalerrirako sarrerak Donostiatik N1 errepidetik egin ahal izango dira, bai udalerriaren erdialderako irteeratik (447), bai Sorabillako irteeratik (446). Donostiatik A15 errepidetik sartuz gero, Urnieta parean irten beharko da (162 irteeran), eta puntu horretatik Andoainera sartu. Aldiz, Tolosatik N1 errepidetik sartu nahi izanez gero, 445 irteera hartuz sartu beharko da udalerrira.

Ama Kandida industrialdeko enpresetan (Thyssen, Orbelan, Plastigaur, Denac industrialdea, Gaztañaga sagardotegia) zamalanak egin behar dituzten kamioiei dagokienez, Urnietarako irteeran sartu beharko dira A15 errepidetik.

Azkenik, udalerriko barne-zirkulazioa eta Lurraldebuseko (Garayar) autobusen mugikortasuna errazteko, biribilgune txiki bat jarriko da Ama Kandidaren bidegurutzean, Rikardo Arregirantz.

Andoaingo Udalak pazientzia izateko eta erantzukizunez jokatzeko eskatzen die erabiltzaileei, obra egin bitartean sor daitezkeen arazo edo gorabeheren aurrean.