Zizurkilen eta Villabonan manifestazio bana izan da ostalariek deituta. Gaurkoan, ostegun gizena, txilaba jantzita nahiz mozorrotuta irten dira protestari ugari. 19:30ean abiatu da manifestazioa Villabonako Errebote plazatik eta herriari buelta ematerako zain zituzten zizurkildarrak zubian. Txalo artean amaitu da manifestazioa eta eskerrak eman dizkie Zizurkilgo nahiz Amasa-Villabonako Udalei emandako babesagatik eta laguntzagatik.