Tolosaldea Garatzenek eta Elhuyarrek, Tolosa&Co eta Oria merkatari elkarteekin elkarlanean, #ErakusleihoakO11 proiektua jarri dute abian Tolosaldeko 34 dendatan, emakumeek zientziaren eta teknologiaren arloan egin duten lana ezagutarazteko.
Bizilaberen barruan kokatzen da kanpaina, hau da, gazteentzako jarduera zientifiko eta teknologikoak egiteko aisialdi-jardueraren barruan.
Guztira, Bilboko, Elgoibarko, Ermuko, Soraluzeko eta Tolosaldeko 77 dendak egin dute bat kanpainarekin. Euskadi mailako kanpaina otsailaren 11n hasi zen, Emakume eta Neska Zientzialarien Nazioarteko Egunean, baina inauteriak direla eta, Tolosaldean otsailaren 17an hasi da. Guztira, eskualdeko 34 saltokik apainduko dituzte erakusleihoak.
Establezimendu bakoitza emakume zientzialari bati eskainiko zaio, eta zientzialariaren ilustrazioa eta informazioa erakutsiko dira bertan. Guztira 12 emakume omenduko dira. Gainera, zientzialariaren ikerketan inspiratuta apainduko da erakusleihoa. Horrela, merkatariak emakume zientzialarien bizitzaren eta lanaren dibulgatzaile bihurtuko dira, eta, gainera, emakumeek zientziari egin dioten ekarpena ikusarazten lagunduko dute. Horretarako, besteak beste, komertzio hauetan hainbat eskuorri banatuko dira, emakumeen ilustrazio eta aurkikuntzen laburpenekin.
Horrez gain, Bizilabe Tolosaldeako gazteek, Euskal Herriko gainerako Bizilabeetako gazteekin batera, COVID-19 egoerara egokitu eta hainbat ikus-entzunezko egin dituzte. Haietan, emakumearen istorioa aurkeztu eta bere ikerketa-gaiarekin zerikusia duten esperimentua egin dute. Lotura hauetan ikus daitezke gazteek egindako lanak:
-
Mary Somerville; koloretako planetak (BiziLabe Tolosa)
-
Barbara McClintock; klorofilaren erauzketa (BiziLabe Villabona)
-
Marie Tharp; faila kontinentala (Bizilabe Tolosa)
Gainera, esperimentu hauek egiteko gonbita luzatu dute, behar diren materialak eta pausuak ongi azalduz.
Hauexek dira #ErakusleihoakO11 ekimenean parte hartuko duten saltokiak:
Alegia
-
Aikur
Asteasu
-
Coviran Asteasu
-
Javier Iraola harategia
-
Aneli ile-apaindegia eta estetika
-
Mattin
-
Ana Sarasua farmazia
-
Axun ile-apaindegia
Irura
-
Bakarne Arrue
-
XARE okindegia
-
Attonaren denda
Tolosa
-
Dandaka
-
Pasteleria Ibañez Gozona
-
Ubel
-
Xarma
-
Electrodomesticos Beotibar
-
Ipar Roller
-
Muñazabal
-
Josune Ileapaindegia
-
Imanna
-
Taller Merceria Karmele
-
Aralart Decoracion
-
Merceria Karmele
-
Berezi Tallas Especiales
-
Dentieder
-
Itsasargi Congelados
-
Mikel Altzariak
-
Kirei
-
Lenceria Ross
-
Zunzu
Villabona
-
Farmazia Berria
-
Basajaun Liburudenda
-
Garintza Mertzeria
-
Galerías M.J
-
Ifni
“#ErakusleihoakO11” webgunea
Ekimen honen barruan multimedia edukia sortu da. Parte hartu duten saltokiak Bizilaberen Otsailaren 11ren webgunean egongo dira ikusgai otsailaren 8tik aurrera. Tolosaldeko mapan kokatuta ikus daitezke saltokiak. Horietan klik eginez, erakusleihoaren argazkia eta omendutako emakume ikertzailea zein den ikusteko aukera dago.
Emakume ikertzaile hauen ilustrazioak ere webgunean eskegita egongo dira, euren istorioekin batera. Elhuyar Aldizkariak idatzitako istorio hauetan ikertzaileen bizitza, gertaerak eta asmakuntzak biltzen dira.
Azkenik, aipatu ekimen hau aurreko urteetan estatu mailan ere egin dela, Zaragozan edo Sevillan, besteak beste.
Erakunde sustatzaileak
Elhuyar eta Tolosaldea Garatzen
Babesleak
Eusko Jaurlaritza