Aldundiarentzat, “etorkizunari begira, Gipuzkoa eta Euskadi osoa mugikortasun berriaren abangoardian jartze anbizioarekin hasiko da lanean. Horretarako, punta-puntako azpiegitura diferentzial bat du, bakarra Europako hegoaldean, mugikortasun adimentsu eta jasangarrian erreferentzia-polo bat eratzeko prozesuaren lehen urratsa izango dena.”
Inaugurazio ekitaldia gaur goizean egin dute Tolosan, eta bertan hartu dute parte Iñigo Urkullu lehendakariak, Markel Olano Gipuzkoako diputatu nagusiak eta Ane Insausti MUBILeko zuzendariak. Ekitaldian izan dira, besteak beste, Eneko Goia Donostiako alkatea, Olatz Peon Tolosako alkatea, Jabier Larrañaga Sustapen Ekonomiko, Turismo eta Landa Inguruneko foru diputatua, Arantxa Tapia Garapen Ekonomikoko sailburua eta Jose Ignacio Asensio Ingurumeneko eta Obra Hidraulikoetako foru diputatua; hauekin batera, mugikortasun berriaren sektorearekin lotutako enpresa eta zentro teknologikoetako ordezkariak.