Partida berdinduak eta oso biziak ikusi ziren bart gaueko Erremontari saioan. Andoaingo Gaztaña sagardotegia aurrera doa txapelketan; baita Goikoetxea eta Ansa urnietarrak ere. Orain arte, maila ezin hobea erakusten ari dira eta datozen partidei begira lanean jarraitu beharko dute.
Sailkapenean Urriza-Zaldua (Bereziartua), Ansa II-Labaka (Setien), Segurola-Larrañaga (Gaztañaga) eta Goikoetxea V-Aizpuruk (Gurutzeta) launa puntu dituzte partidu bakarra jokatuta. Etxarri eta Barrenetxeak (Oialume Zar) hiru puntu dituzte atzoko bakarra gehituta. Azkenik, Juanenea-Zubiri (Larre Gain) bikotea azken postuan kokatuta daude bi partidetan bi puntu lortuta.