Iazko urtea oso zaila izan da baina aurrera ateratzeko aukera izan du Larramendi Bazkunak. Erronka berriak ditu etorkizunera begira, eta Andoainen egoitza tokiz aldatzeko proposamenak tarte handia hartu du batzarrean. Andoaindik harago eskualdean elkartea biziberritzeko proposamena ere hizpide izan dute. Aiurri argitaratzen duen Erroitz BMren jardunak ere bertakoen interesa piztu du.
Bi orduko batzarraldiaren ondoren, bazkideek ontzat eman dute iazko jarduna eta bidea eman diote urteko plangintzari. Eskertza adierazi diote Ariane Obinetari eta txalo artean hartu dute Ane Jalon. Batzarra Jon Unanue zuzendariak gidatu du, eta batzarraldian zehar bazkide ezberdinek Urigainen bertan eta telematikoki parte hartze aktiboa izan dute.