Prebentzio pertsonaleko eta komunitarioko oinarrizko neurriak berriz ere erdigunean jartzeko deia egin du Urkullu lehendakariak. Jarraian, honako hau erantsi du: "Funtsezkoa da ez parte hartzea prebentzio-neurririk ez duten pertsonak biltzen dituzten topaketetan, jaietan edo ekitaldietan; ez kanpoan, ez barruan".
Horrez gain mahaigaineratu du beste hainbat neurri hartzeko aukera, baldin eta egungo joerak jarraitzen badu, eta, ondorioz, ospitale-presioa areagotzen bada; hala nola, merkataritza, gizarte eta kultura jarduerak ixteko muga-ordutegia aurreratzea.
Aurrerantzean honela neurtuko da tokian tokiko egoera epidemiologikoaren larritasuna:
- Transmisio baxua: 100.000 biztanleko 0 eta 60 arteko intzidentzia-tasarekin.
- Transmisio moderatua: 100.000 biztanleko 60 150 bitarteko intzidentzia-tasarekin.
- Transmisio Tentsionatua: 100.000 biztanleko 150 300 bitarteko intzidentzia-tasarekin.