Lau erabaki berri, bihartik hasita

1. Musukoa: “Transitoa duten hiriguneetan” maskararen erabileraren derrigortasuna iragarri du Urkullu Lehendakariak.
2. Ostalaritza: Guneak 01:00etarako itxi beharko dira. 
3. Barneko aforoa: %35era jaitsiko da ostalaritzan eta gizarte eta kultur aretoetan.
4. Erantzukizuna: Kutsatuen jarraipena errazteko eta berrogeialdiak betetzeko deialdi berezia. Pilaketak saihestea eskatzen da eta autokontrola areagotzeko indar berezia egiteko eskatu dute.

Gizarte mailako ahulezia nabarmendu du Lehendakariak: "Babes neurririk gabeko topaketak gehitzen dira, udan. Ez da beti maskara erabiltzen".

• Maskara erabiltzea nahitaezkoa izango da trantsitua duten hiri-inguruneetan. Gainera, ostalaritzako eta jatetxeetako establezimenduetan nahitaez eta uneoro erabili behar da maskara, barrualdeetan zein terrazetan, salbuespen bakarra elikagaiak edo edariak hartzeko unea da.
• Gaueko 01: 00etara aurreratzen da merkataritza-, gizarte- eta kultura-jarduera guztiak ixteko gehieneko ordutegia.
• Jarduera guztietan baimendutako gehieneko edukiera % 35era murriztu da lokal eta instalazio guztietarako, ostalaritzarako barne, dagoeneko kontratatuta dauden jardueretarako izan ezik; eta, gainera, murriztu egin da gizarte-, kultura- edo kirol-ekitaldietako gehieneko pertsona-kopurua.
• Kutsatze-kasu batek edo kontaktu estuek nahitaez lagundu behar dute kutsatzeen miaketan. Dekretuak konfinatzeko edo berrogeialdia egiteko betebeharra ere ezartzen du, agintarien eta osasun-zerbitzuen jarraibideak betez.
• Herritarrei, beren autoerantzukizunean oinarrituta, autolimitazio boluntarioa eskatzen zaie, honako neurri hauek aplikatzeko:
  • Gaueko ordu batetik seietarako mugigarritasuna mugatzea;
  • Taldea gehienez ere sei pertsonatara mugatzea.
  • Autokonfinamendua eta autoisolamendu pertsonala, lehen sintomak izan bezain laster; baita osasun-zerbitzuekiko komunikazioa ere.