Urnietarrak eta hernaniarrak norgehiagoka parekatua jokatu zuten Galarretan. Amaierararte emozioa izan zen nagusi, nahiz eta markagailuko balantza boladaka aldatu egiten zen.
Partiduko lehen maldan Ansak segurtasun eta eraso hobea erakutsi zuen, markagailuan 7 tantoko aldea lortuz. Abiada eta kalitate handiko tantoak nagusitu ziren ikusleen gozamenerako. Ansa denbora luzez aurretik egon zen arren, gutxinaka hernaniarra gerturatzen hasi zen 17. tantoan berdintzeraino. Memento hartatik aurrera, balantza oso parekatua izan zen, edonork irabaz zezakeen. Azken txanpan, urnietarrak tanto hobeak jokatu zituen eta garaipen garrantzitsua eskuratu zuen, batez ere maila pertsonalean.
Gauzak horrela, larunbateko norgehiagoka berezia izango da: batetik, Ansak buruz-buruko lehen finalera sailkatzeko aukera edukiko duelako; bestetik, ligaxkako partida bera jokatuko duelako eta elkar oso ondo ezagutzen dutelako. Esanak esan, partida ikusgarria eta emozioz beterikoa izatea espero da.