Larunbatean finalerako txartela lortzeko bi norgehiagoka jokatu ziren. Lehenengoa Loitegik-Barrenetxea eta Urrutia-Larrañaga bikoteen artekoa izan zen. Hernaniarrak eta urnietarrak nahiko erraz irabazi zuten (40-29), eta maila handia erakutsi zuten finalera begira.
Bigarren partida, Ansa-Martirena eta Urriza-Labakaren artekoa izan zen. Urnietarrak 32 tanto egitea nahikoa zuen finalerako txartela eskuratzeko, baina partidu hau ere irabazi zuen Martirena bikotearekin batera (35-40).
Datorren larunbatean 3. eta 4. postuaren bila irtengo dira Goikoetxea eta Zubiri, Urrutia-Larrañagaren bikotearen aurka. Horrez gain, bi urnietarrak elkarren aurka arituko dira emozioz beteriko finalean. Ez hori bakarrik, antolatzaileek adierazi dute hamar kamixeta eta bi zesta zozketatuko direla.