Egun asko daramagu euripean eta, azken bi egunetako euriteak, urez gainezka jarri ditu bazterrak. Belazeak putzu eginda daude eta lurrak ez du ur gehiagorik xurgatzeko gaitasunik. Hori gutxi balitz, azken egunetan mendietan egindako elurra urtu egin da, egoera are zailagoa eginez. Errekak eta ibaiak hazita datoz.
Oria ibaiak gainezka egin du. Urak hartu du Kale Berria 2, 3, 5, eta 7 eremua eta ura garaje ugaritan sartu da.
— Villabonako Udala (@VillabonaUdala) December 10, 2021
Kale Berria itxita dago Txermin eta Irualdeta artean.
Udalak bere baliabide guztiak mobilizatu ditu egoerari erantzuteko.#Uholdea #OriaIbaia #Villabona #KaleBerria pic.twitter.com/8ZuF4t5rys
Amasa-Villabonan, Txermin inguruan sortu ohi dira arazoak horrelako egoeratan eta oraingoan ere, halaxe izan da. Oria ibaiak gainezka egin du eta hainbat etxabetan sartu da ura. Kalean aparkatutako kotxe batzuk ere harrapatu ditu urak.
Eskualdeko errepide eta bideetan arazoak sortu ditu urak. Amasa-Villabonako Txermin ingurua itxita dago eta Agaitzeko industrigunean ere berdin gertatzen da.
Eguraldi makurra dugu oraindik, euria eta haize zakarra dira protagonista. Iragarpenek diotenez, gaur ez da atzo bezainbeste euri espero.
Asteasun, euriteen eraginez arazoak sortu dira zenbait herri-bidetan.
???????????????????????? https://t.co/Vmgkr0ca5p
— Alexander Padilla (@Alexkalextrik) December 10, 2021
Pistina naturala... Billabonan ???????????????? @Aiurri pic.twitter.com/2apF0L5E7A
— andoni urbistondo (@urbixxx) December 10, 2021