Lasterketak 21 kilometro izango ditu eta bi kontrol puntu izango ditu: Onddo eta Adarra. Era berean, 8 eta 14,5 kilometroetako 2 hornidura-gune. Izen-emateak 38 euro balioko ditu; tartean, dortsalaz gain, asegurua, horniduretako janaria eta likidoak eta amaierako oparia sartuko da, beste gauza gehiagoren artean. KIROL SPORT enpresa ari da antolaketa lanetan. Informazio gehiago: https://adarratrail.com/
Adarramendi, berriro ere proba bateko protagonista
Aurten, gainera, 10 urte beteko dira Urnietako 1. mendi lasterketa antolatu zenetik. 2012ko Apirilaren 22an izan zen eta hainbat urtez goi mailako eta eskualdeko korrikalari askoren erreferentziazko lasterketa izan zen.