Giroa gorrituta esnatu da gaurkoan eskualdea, izan ere, Saharako harea ekarri du hego-haizeak penintsula osora. Euskalmeten arabera, tenperaturaren igoera eta hegoaldeko haize zakarra hizpide izango dira gaur, zenbaitetan, bolda bortitzak eragiteraino. Tenperatura maximoek 20 ºC-ren muga gaindituko dute ipar isurialdean, eta, lekuren batean, 25 ºC-ra ere hurbil liteke. Giroa nahiko argia izango bada ere, zerua lauso ikusiko da hauts-gandua dela medio. Honatx eskualdeko zenbait erretratu.