Azken hauek aurretik preso daude: Mikel frantziar estatuko ziegetan, eta Itxaso 2020an kartzelaratu zuen estatu espainiarrak.
Rubenek eta Jonek 2020tik haien etorkizunaren gaineko segurtasun falta dute, edozein momentutan presondegirako bidea egin beharraren mehatxupean bizi dira eta 2020ko amaieratik: 15 egunero, komisaldegian sinatuz eta kontuak blokeatuak izanik. Hau gutxi balitz, 2013an, biak kartzelaratuak izan ziren, eta 2014an aske utzi zituzten haien aurkako frogarik ez zegoen eta. Bai 2013ko sumarioan, bai 2020koan, bai 2021koan, 2002ko Euskadi Ta Askatasunaren ekintza batzuk leporatzen dizkiete, baina, nahiz eta 20 urte igaro, epaileek ez dute frogarik lortu haien aurka. Jon eta Rubenen aurkako jazarpen jarrai hau etsaiaren gorroto amaigabearen adierazle argia da.
Egoera honek haien eguneroko bizitzan eragin sakona du, presio emozionala eta pertsonala sortuz. Hortik haratago ere, eraso honek kostu ekonomiko handia du: batetik, kontuen blokeoa dela medio, eta, bestetik, defentsa juridikoa ordaindu beharragatik. Azken honen eraginez, 8.000 eurotik gorako faktura dute Rubenek eta Jonek ordaintzeke: epaitegietako prokuradorea eta abokatuen zerbitzuak ordaintzeko kantitatea, hain zuzen.
Horregatik, dei egiten dugu Jonen eta Rubenen aldeko elkartasun ekimenetan parte hartzera eta, ahal den heinean, ekonomikoki laguntzera, jasaten ari diren jazarpenaren kostuari aurre egin ahal izateko.
Norberak bere aportazioa egin dezake ondorengo kontu korrontean: ES70-3035 0282 51 2821023860.