Larunbat arratsaldez, askotariko adinetako emakumeak bertaratu ziren, elkarrekin kirolaz gozatzeko. Nerabeen mailan, sei kidek hartu zuten parte, eta, ondoren, adinez nagusikoen taldean, berriz, 21 lagunek. Bikoteak nahastuta, kide bakoitzak bi partida jokatu zituen. Oso balorazio positiboa egiten du antolakuntzak, "giro ederra" izan baitzen pilotalekuan. Gainera, jokalari guztiek afaria egin zuten ostean, eguna borobiltzeko.