Liga gori-gori
Kirolak.net webgunean ageri denez, sailkapeneko lehen aurrealdean daude Leizaran eta Urnieta.
Bigarren postua bereganatu du Leizaran taldeak Ligan, eta hurrengo denboraldian Euskadiko Txapelketan jokatuko du taldeak.
Urnieta Quel Abogados taldeak porrot gogorra jaso zuen Tolosa Eskubaloia taldearen aurka (22-19). Hirugarren postuan sailkatuta jarraitzen dute, baina azken jardunaldia erabakiko da zein postutan amaituko duten denboraldia, Leitzaranen aurka.
Partida parekatua izan zen lehen minututik, non, defentsek golegileei gailendu zitzaien; defentsa sendoa erakutsi zuten. Hala ere, hiru goleko abantaila eskuratu zuten urnietarrek. Atsedenaldiaren ondoren, urnietarrek erasoan jokoa hobetuko zuten, defentsan intentsitatea igotzearekin batera, partida berdintzea eta baita aurretik jartzea ere lortzeraino.
Partida berdinduta egon zen azken txanpan, non bi taldeek markagailuko agintea abantaila minimoekin txandakatzen hasi ziren. Azken bost minutuetan guztia erabakitzeke geratu zen. Tolosarrek UKEkoek baino askoz hobeto kudeatu zituzten azken minutuak eta garaipena lortu zuten.
Galdu arren, urnietarrek bizirik jarraitzen dute ligan, hirugarren postuan sailkatzeko aukerekin eta, azken jardunaldian, Leizaranen aurkako partida zirraragarrian lehiatuko dira.