Zarautz Erremonte Txapelketa aurkeztu dute Zarauzko udalean. Frontoi txikiagoan jokatuko den txapelketa berria izango da eta uztailaren 29an, 30ean eta 31n daude iragarrita partidak Aritzbatalde frontoian, 17:30etan hasita.
Hiru egunetan bi txapel egongo dira jokoan. Batetik A multzoko txapelketa nagusia izango da, erremontista onenekin, eta bestetik, B taldekoa. Bi multzoetan launa bikote ariko dira, finalera bina sailkatuko dira eta bikote txapeldun bana izango dira.
A eta B multzoetan finalerdi bana jokatuko dira etzi, ostiralean. Beste bi finlaerdiak larunbatean, hilak 30ean jokatuko dira eta bi finalak uztailaren 31n.
Uztailaren 29an, A multzoan, Aldabe eta Barrenetxea IV, Ansa II eta Azpirozen aurka ariko dira. B multzoan, Zaldua-Martirena, Etxarri-Labakaren aurka.
Uztailaren 30ean, A multzoan, Urriza eta Zubirik, Ezkurra II eta Juanenearen aurka neurtuko dituzte indarrak. B multzoan berriz, Goikoetxea V-Odei, Loitegi-Apezetxearen aurka jardungo dira.