Barrenetxea izan zen pilotak aukeratzeko kantxaratu zen lehena; honek 127 gramoko bi pilota eta 129 gramoko bat aukeratu zituen. Ansak 128 gramoko bi pilota eta 127 gramoko bat aukeratu zituen.
Atzelari hernaniarrak material biziagoarekin jokatzea erabaki zuen, eta Ansak, berriz, motelagoak aukeratu zituen. Urnietarrak piloteoa bilatu ohi du, eta Barrenetxeak aurkaria atzeko koadroetan jartzeko ohitura du.
Aukeraketa amaitzean, bi pilotariak pozik geratu ziren aurkitu zuten materialarekin. "Denetarik zegoen", adierazi zuen hernaniarrak, eta Ansak berretsi egin zuen. Saskian 50 pilota aurkitu zituzten, Kike Elizalde intendenteak ezarrita.
Finalera joan nahi?
Erremonteko finalerako sarrera zozketatuko ditu Aiurrik. Aurki iragarriko ditugu zozketan parte hartzeko nondik norakoak eta eman beharreko pausuak.