Andoaingo Maribi Hernandezek Jose Arana Etxenagusia osaba eduki du gogoan bereziki Hernanin gaur, Salba Paradak Jose Maria Elizalde Zubiri aitona, eta Juanjo Alustizak Simon Olaizola Arregi osaba.
Urnietako Martxel Usarragak eta bere alaba Lydia Usarragak, berriz, beren aitona Policarpo Usarraga Garrilbonen omenez egin dute lore eskaintza.
40 urtetan eta gerora ere estaliaraziak
Xabier Lertxundi Hernaniko alkateak hartu du hitza, eta hilerrian fusilatu eta dokumentatu gabe lurperatutako pertsonak omentzea, haien oroimena eta duintasuna berreskuratzeko antolatu dela ekitaldia; “egia osoa ezagutu behar dugulako eta justizia aldarrikatu behar dugulako haientzat eta haien familia edo senideentzat”. Diktadurak iraun zuen 40 urteetan, eta gerora ere, “isiltasunak eta inpunitateak estalarazi zituzten krimen haiek, isilduak” izan zirela ere adierazi du.
Migel Artola fusilatu eta desagerrarazitakoaren biloba den Concha Artolak ere egin ditu adierazpenak, ekitaldian barrena
Bestalde, Irati Sarasuak eta Urko Apaolazak 1936ko Hernaniko hilerrian gertatu ziren hilketen gaineko testuingurua azaldu dute, Musika joko dute Roberto Pachecok eta Judith Monterok musikariek musikarekin girotu dute ekitaldia, eta Hernaniko txistulariek eta Ttarla Dantza Taldeko dantzariek Agurra jo eta dantzatu dute.
Agintarien artean, aipatzekoa dira Urnietako alkate Jorge Seguradoren eta Jose Antonio Rodriguez Ranz Giza Eskubide, Memoria eta Lankidetzako sailburuorde andoaindarraren presentziak.