Andoain Euskaraldia'22

Ikusbera zenbaki berezia, Euskaraldiari lotuta

Aiurriko harpidedunek Ikusbera aldizkariaren zenbaki berezia jaso dute, egun hauetan. Euskaraldia dela eta, zenbaki berriena euskarari loturik dator. Tartean, gainera, irakurle gazteek 2023ko egutegia aurkituko dute.

"IKUSBERAn irudia dugu oinarria. Eta hitza, irudiaren laguntzailea. Bistaratzen zaigunari erreparatuz, deskubrimenduak eginez, pareak osatuz, bat eta beste alderatuz, logika erabiliz nahiz bestela, bizitzak agertzen dizkigun gaietan murgilduko gara, jolasteak berez dakarrena sustatzeko: ernatzea, adimena bizkortzea, baliabideak eta trukuak ikastea, trebatzea, eta finean, handitzea..."

Aldizkaria Aiurriko harpidedunen artean banatzen bada ere, zenbaki hau Andoaingo HH5, LH1 eta LH2 mailakoen artean banatu da.

Ikusbera aldizkariaren azala.

Ariketez eta jolasez gain, urteko egutegia ageri da.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!