2014an eta 2013an jaiotako haurrek 50 estilo librean eta 6x25 bizkar estiloko errelebu mistoan parte hartu zuten. Guztira adin tarte honetako 3 haur aritu ziren Ordizian. Lehen txapelketa izanik, guztiak urduritasuna nabari zen, baina txukun aritu ziren hirurak. Irai Jauregi, Kerman Miguel eta Urko Azpiazu izan ziren adin tarte honetan jardun zuten taldekideak.
Txikienen ondoren B kategoriako benjaminak aritu ziren. Igerilari hauek 50 bizkar proban eta 100 edo 200 metro librean aritu ziren. Guztira, 2012ko eta 2011ko neska-mutilak barneratzen dituen multzoan, Buruntzaldea taldeko 8 haur aritu ziren. Bizkar estiloko 50ekoan eta 100 librean Iker García, June Apeztegia, Juren Matailo eta Aizpea Barcina aritu ziren eta 50 bizkar eta estilo libreko 200 metrokoan aldiz Liher Albizu, Oier Jauregi, Ander Martinez eta Aitor Ormazabal.