Sagardoaren sektorea bateratze prozesuan da eta 2023an zehar norabide horretan sakonduko da. Gipuzkoako sagardogileen elkarteak astearte honetan egingo du agerraldia, denboraldi berriari irekiera emateko.
Bi hitzordu nagusi daude iragarrita aste honetarako. Asteartean agerraldia egingo du Sagardogileen elkarteak, Donostian. Eta, asteazkenean, aurtengo sagardo berriaren xehetasunak eskainiko dituzte Astigarragako Sagardoetxean. Modu horretan, ofizialki, zabalik izango da txotx denboraldi berria.
2020 eta 2022 artean, pandemia tarteko, neurri berezi ugari hartu behar izan dituzte. Hiru urte zail eta gero, lehengora itzultze hutsa urrats handia izango da sektorearentzat.
