Agirre Gonzalez familiari elkartasuna adierazteko, minutu bateko isilunea egin dute

Minutu bateko isilunea eginez, Ondarretako irakasle eta irakasle ohiek, gurasoek eta ikasleek elkartasunik sentikorrena helarazi nahi izan diete ikastetxean bertan urtetan irakasle izan zen Belen Gonzalezi eta bere familiari. Amaia Agirre mendizale hila gogoan hartzeaz gain, gertutasuna erakutsi nahi izan diote bere familiari era horretan, bizitzen ari den une atsekabe hauetan.

Gogoan hartu behar da Belen Gonzalezen alaba Amaia Agirre eta Iker Bilbao alpinistek istripua izan zutela Patagoniako Fitz Royn, joan den astean. Ostegunetik desagertuta zeuden, eta herenegun bi mendizaleak erreskatatzeko lanak bertan behera utzi behar izan zituzten bilaketa arriskutsutzat jo eta gero, El Chaltengo Sorospen Batzordeak aditzera eman zuenez.

Gaur jakin denez, berriz, Argentinako gobernuak bi alpinisten heriotzak medikoki ziurtatu ditu eta heriotza agiriak sinatu ditu.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!