Elite mailari dagokionez, parte hartzeari erreparatuta, gorengo mailako lehia handia aurreikusten da. Iaz, Olatz Arrizabalaga eta Enara Gamindek jantzi zuten txapela, baina, aurten, aurkari onak izango dituzte aurrean; faborito garbirik gabeko lehia izango da, nahiz eta izen batzuk nabarmenagoak izan.
Larrarte-Arrillaga, Arrizabalaga-Capellan, Aldai-Mendizabal eta Garai-Gaminde dira antolatzaileek prestatutako bikoteak. Denak denen aurka arituko dira eta ligaxkako sailkapenaren arabera jokatuko dituzte Laudioko finalerdiak; lehenengoak laugarrenen aurka eta bigarrenak hirugarrenen aurka.